أدب السجون الوجه والواجهة قصة الضحية والجلاد
مقالات مشابهة
ادام باب سجن طره
زوجات واخوات وامهات كتير واقفه مستنين زويهم يخرجو من العقرب ممنوع عنهم الزياره عشان بس يسمعو صوت بعض لقيت نفسي بخرج من الطابور وبقف بتأهب معاهم
خرجت عربيه واتنين والتالته فيها شاب صوتو مقهور ومشتاق اعد ينادي يافاطمه يافاطمه بحرقه لقتني برد عليه بنفس الحرقه بقولو ايوه سمعاك
صوت القهر سابقو وحشتوني يافاطمه قلتلو وانتا كمان ربنا يحفظك ويثبتك نصر الله قريب
راح اعد يقولي احضنيلي ماما يافاطمه احضنيلي ماما يا فاطمه كرر العباره كتير وانا بجري ورا العربيه
واعدت علي حجر منهاااااااااااااره من العياط بعيط بصوت عالي الي يعرفني في الطابور كان مستغرب وعارفين ان اخواتي مش ممنوعين من الزياره طيب بكلم مين كده
والي ميعرفونيش قالولي يقربلك ايه بقيت اصرخ واقولهم معرفوش معرفوش
انا معرفش رديت عليه ليه ومعرفش هو بقالو اد ايه مشفش النور واتكلم مع حد من اهلو معرفش لو مكنش سمع ان حد من اهلو كان بره هيحس بايه صوتو كان شبهه صوت محمود اخويا حسيت وقتها مينفعش اسيبو ينادي ومحدش يرد
شويه ام وبنتها جايين يجرو وبيعيطو وبيقولو الترحيله خرجت كان نفسي اسمع صوت محمود ابني
طلع اسمو محمود بردو بصيت للبنت قلتلها انتي فاطمه قلتلي ايوه هو نده عليا
قمت حضنت ممتها وفضلت اعيط بصوت انا وهي كتير وقلتلها بعتلك الحضن ده يا امي قالي احضنيلي ماما
وقلت لاختو انا فاطمه بردو واخويا معتقل واسمو محمود وانا الي رديت عليه اعدت تحضن فيا كتيررررر
طلعو جايين من المنيا عشان بس يسمعو صوت ابنها
يعني كان لازم ارد علي محمود واعرفو اني اهلو كلنا اهلكم والله
مش عارفه بحكي ده ليه بس سمعت عن شخص محتاجين منو خدمه صغيره وهو عايش بره كلمه … انا بعت القضيه ومليش دعوه…..
من اكتر المواقف اما بفتكرها بنهار من العياط
