أرشيف الوسم : العقرب

شهادة إحدى الناجيات التي عاصرت جزءا من فترة #الإخفاء_القسري للمعتقلة «منار عادل» وطفلها الرضيع «براء» الذي ظل محتجزا مع والدته لمدة عامين قبل ظهورها بنيابة #أمن_الدولة

🔏- أسوء شئ بعد اعتقال أهالينا الزيارات ! …

📝 مبحبش اكتب عنها بشكل عام لانها ، حاجه كده ملهاش وصف ولا معني غير قلق ، خوف ، تعب ، ذل ، أهانه ، استباحه ، بهدله ، استحالال ، كسر نفس ، كسر خاطر ، مشاعر متضاربه حزن ، دموع ، فرح ، رغم كل ده الزياره دي بالنسبة للاهالي حياة ، كل ده يهون في مقابل حضن أمك أختك اخوك ابنك بنتك ، كله بيهون في مقابل الإطمئنان عليهم وسماع صوتهم ، بنخرج تايهين فاقدين معني كل شيء في الحياة في حاله من الهدوء التام

🍁 لكن لطف الله ينزل علينا بنرجع معنا أمـــل و أطمنان و سكينه من الله ربنا ينزل رحمة علينا

📌بخرج من الزياره ادعي للأهالي الي ممنوعين من الزيارات والمختفين ربنا يهون عليهم ويرزقهم الصبر والثبات والرضا

📌بس مطلوب من الي حوالينا يتفهموا حالنا
ويرضوا بردنا القليل ويلتمسوا لنا العذر

📌 من 2013 لحد اللحظه الي انا فيه ممرش عليا زيارة أسوء ولا أقسي من زياره أمـي امبارح من بدايتهآ الي خروجي منها ، بعيد عن كل شيء حصل قبل ما اشوف امي كنت بقول لنفسي معلش هنسي كل ده مجرد ما المس ايدي امي من وراء السلك هنسي كل ده لما يسمحوا انها تحضني وانا ماشيه ، السياسي لازم نبهدله شويه شويتين ثلاثه مفيش مشكلة وصيلنا اخيرا عند اخر باب ، وقعدين كذا زياره سياسي للاخر ، منهم زياره لمعتقله ليها 3 اطفال للأسف كان في انتظارهم قرار جديد طفل واحد الي هيدخل دموع ال3 اطفال كفيله انها تخلع القلب من مكانه ويجي دور المحايله ان الاطفال تدخل ومش مهم الكبار لكن للاسف لا ممنوع ! ده كان حال كل الأطفال السياسي والجنائي

📌اقول لنفسي معلش كله دقائق و هيهون ده كله ، لكن كان في مفجأه تانيه ، ان السلك الي هقدر المس صوابع امي منه بقي سلكين ، والسلكين بقي جواهم مسافه و قفص تاني بسلكين عكس بعض النور ضعيف جداً اعداد الزوار كتير الصوت عالي مش مسموع حاولت أركز و اكتفيت بالدموع والنظر لامي من وراء كل السلك ده واحاول اطمن نفسي لكن بقي في صوت اقوي مننا صوت السجان أعلن انتهاء الزيارة ، بدء الهدوء في المكان و فجأه سمعت صوت امي بتقولي ليس لها من دون الله كاشفه ، عليكم بالدعاء تمسكوا بالدعاء إلجوا الي الله الفرج قريب

📌لاتنسونا من الدعاء
ادعوا اهالي المعتقلين الي ممنوعين من الزياره

🌵ادعوا لاهالي المختفين ،ادعوا للمعتقلين والمعتقلات بالصبر والثبات والرضا ، انشغلوا بأنفسكم و اصلحوا منها ، ترفعوا عن سفاف الامور ، إلجوا الي الله بالدعاء والعمل الصالح ، حافظوا علي انفسكم ولاتلقوا بأيديكم الي التهلكه ،

🍁 انت او أنتِ مش بتتبهدل لوحدك والضرر بيعود علي كل الي حواليكم هي مش شطاره ولا جدعانه ولا فتحت صدر ، المقدر هيكون بدون شك لكن في أسباب فلازم نتقي الله في انفسنا وأهلينا

🌵 الطَّرِيقُ طَوِيل ، وَالزَّاد قَلِيلٌ والغُربة تشتد ، و الفتن تزداد ، و وراءنا ايام ثقال ، اللَّهم ثبتنا حَتي نَلقاك وَقدْ رضِيت عَنا.!!

📌أدعوا للمسلمين في شتي بقاع الأرض ادعوا للناس بالهداية والصالح

🌻Afraa Elmahy

قصة إسماعيل مع الإعتقالات..!

صاحب دار نشر القمري

إسماعيل أُعتقل لأول مرة في 2007، كان عنده وقتها 16 سنة.

تاني مرة كانت في 2009 وخرج بعد قيام ثورة يناير بشهر، تحديداً 25 فبراير 2011.

ثالث مرة كانت في 2015 وخرج في 2016.

رابع مرة كانت في 2017 وخرج في نفس السنة.

خامس مرة كانت في شهر 10 سنة 2018 اختفى قسرياً لمدة 120 يوم وظهر في النيابة شهر يناير 2019 وأخد إخلاء سبيل 3 نوفمبر 2020،
أختفى بعدها قسرياً لمدة 45 يوم،
وظهر في النيابة 16 ديسمبر على ذمة القضية 810 بتهمة الانضمام لداعش!

إسماعيل طول فترة حياته دخل 6 سجون ( العقرب – ليمان طرة – أبو زعبل شديد الحراسة – استقبال طرة – القناطر – سجن الجيزة المركزي)
واتصنف 5 تصنيفات عكس بعض في كل مرة أعتقل فيها
( سلفي – قاعدة – إخوان – داعش – يساري)!

إسماعيل بشهادة الجميع أول واحد من مشاهير السوشيال ميديا المحسوبين على الإسلاميين اللي تصدر لأفكار الدواعش وإتحمل قذف وسب ومقاطعة كثير من مشاهير الإسلاميين وقتها.

إسماعيل باحث وناشر مستقل ليس له أي إنتماء لأي تيار موجود على الساحة؛ لكنه هاضم لأفكار جميع التيارات الموجودة على الساحة بحكم معشرته ليهم داخل السجون وخارجها.

ربنا يفك أسره ويزيل عنه ظلم الظالمين ويرده إلى أهله هو وجميع المظلومين عاجلا غير آجل، ويرحم الله عبداً قال آميناً.

#الحرية_لإسماعيل_القمري

صفحفة الفيس بوك

كتبت زوجة المعتقل الاسلامي اسماعيل القمري صاحب دار نشر القمري عن لعنة الزيارة… تكاد تكون وثيقة من وجع تروي كل الغصص الحرار في دولة المخابرات

{{بقالي سنة وشهرين، بدون زيارة لإسماعيل، برغم إن يوم الزيارة ده كان لعنة بمعنى الكلمة، من أول الانتظار على باب السجن في الشمس بالأربع ساعات، ثم التفتيش وقلة أدب السجانات، ثم الانتظار ثاني جوا السجن أكثر من ثلاث اربع ساعات، ثم التفتيش تاني قبل الدخول للقاعة اللي بنقابل فيها أحبابنا، والمحايلة اللي بنتحايلها عشان ندخل أكلة معينة ولا علبة دواء!، وكل العذاب ده عشان نقعد معاهم نصف ساعة مثلاً! وحواليك بقى مخبرين وسجانين عمالين يلفوا حواليكم زي النحلة! لكن كل ده يهون في سبيل إننا نشوفهم ونهون عليه مرارة السجن والقرف! برغم كل ده أنا مفتقدة الزيارة بكل تفاصيلها، مفتقدة حتى الرخامة اللي كنت بقابلها من السجانات! مفتقدة جواب الزيارة اللي باخده من إسماعيل وأقراه في العربية وأنا مروحة، مفتقدة الهدايا البسيطة العظيمة! اللي هتفضل أغلى وأعظم هدايا تجيلي في حياتي!}}

صفحة الفيس بوك